Rritje e madhe e rasteve në Zvicër: 1910 infeksione në 24 orët e fundit

Mesatarja 7-ditore e rasteve është rritur për 44 për qind në krahasim me javën e kaluar. Ndërsa ajo e shtrimeve në spitale, për 46 për qind

Zyra Federale e Shëndetit Publik (BAG) ka raportuar 1910 raste të reja këtë pasdite që ishin testuar pozitive për koronavirusin në 24 orët e fundit.

Mesatarja 7-ditore e rasteve tani është 1083 ose 44 për qind më e madhe se në javën e kaluar, shkruan srf.ch. Me trendin aktual, mesatarja 7-ditore e infeksioneve të reja dyfishohet afërsisht çdo 13 dit, transmeton albinfo.ch.

Incidenca 14-ditore është aktualisht 154.5.

Norma mesatare pozitive 7-ditore është aktualisht 7.0 për qind. Ndërsa mesatarja 7-ditore e testimeve të kryera është 18,635 në ditë, që është 9 përq ind më pak se javën e kaluar.

BAG raporton një person të sapo vdekur nga Covid-19.

BAG po ashtu aktualisht raporton 287 persona që po trajtohen në spitale në lidhje m Covid-19. Kjo është 46 për qind më shumë se në javën e kaluar.

Shtretërit e kujdesit intensiv në spitalet zvicerane (përfshirë shtretërit ad-hoc) aktualisht janë 65 për qind të zënë. Prej tyre, 8 për qind janë të zënë nga të prekurit nga Covid 19.

---