Rritje e ndjeshme e infeksioneve në Zvicër: Raportohen 1858 raste të reja

Mesatarja 7 ditore është 1278 ose 14 për qind më shumë se në javën e kaluar. Me këtë trend, mesatarja 7-ditore e infeksioneve të reja dyfishohet çdo 38 ditë

Zyra Federale e Shëndetit Publik ka raportuar 1.858 raste të reja këtë pasdite që kishin rezultuar pozitive për koronavirusin në 24 orët e fundit.

Mesatarja 7 ditore është 1278 ose 14 për qind më shumë se në javën e kaluar. Trendi aktualisht po shënon një rritje të lehtë. Me trendin aktual, mesatarja 7-ditore e infeksioneve të reja dyfishohet afërsisht çdo 38 ditë, shkruan srf.ch.

Shkalla mesatare pozitive 7 ditore aktualisht është 5.2 për qind, transmeton albinfo.ch. Krahasuar me javën e kaluar, norma pozitive ka mbetur e njëjtë. Numri i testeve të bëra në një mesatare 7-ditore është 27,965  në ditë dhe kështu është rritur me 12 për qind krahasuar me javën e mëparshme.

BAG raporton 16 raste të reja të vdekjes. Mesatarja 7 ditore është 8 vdekur që është 8 për qind më shumë se në javën e kaluar.

Aktualisht BAG raporton 874 persona që po trajtohen në spitale për Covid-19, përcjell albinfo.ch. Kjo është 1 përqind më pak se në javën e kaluar. Shtretërit e kujdesit intensiv të certifikuar në spitalet zvicerane janë aktualisht 75.0 për qind të zëna, ndërsa po u përfshinë edhe shtretërit ad-hoc, niveli i shfrytëzimit është 67.0 për qind.

---