Rritje enorme e blerjes së armëve, nga frika prej refugjatëve!

Fluksi i madh i refugjatëve në Austri krahas shumë efekteve anësore që i ka prodhuar, ka shkaktuar edhe një efekt interesant: rritjen e shitjes së armëve. Mbi 70 mijë copë armë më shume se në periudhën e njëjtë të vitit të kaluar janë shitur në Austri gjatë priudhës së deritashme të këtij viti, shkruan diewelt.de.
Si motive për këtë “eksplodim” të shitjes së armëve sipas “oe24.at” përmenden frika nga refugjatët dhe nga hajnat që sulmojnë pas errrësimit.
Më së shumti janë shitur çifte gjuetie, pasi që për t`i blerë ato nuk nevojitet leje armësh, transmeto albinfo.ch.
Po ashtu është shënuar një shtim i kërkesave për kurset për të marrë lejen e armëmbajtjes për pistoleta. Në veçanti femrat janë duke treguar një nevojë të shtuar të vetëmbrojtjes nisur nga “ndryshimet sociale” në ambientin e tyre. Për këtë arsye ato po blejnë më shumë armë se zakonisht.