Miratohet Ligji për pagën minimale në Maqedoni

Kryeministri Maqedononisë Veriore, Zoran Zaev sonte në profilin e tij në Facebook e përshëndeti miratimin e Ligjit për pagën minimale

Kryeministri i Maqedonisë Veriore, Zoran Zaev, sonte në profilin e tij në Facebook e përshëndeti miratimin e Ligjit për pagën minimale nga ana e deputetëve.

“Urime deri tek të gjithë punëtorët dhe punëtoret! Ligji për pagën minimale është votuar në Kuvend. Që nga muaji i ardhshëm paga minimale do të arrijë 14.500 denarë. Çdo qytetar meriton të ketë jetë të mirë, prandaj pagën minimale prej 9.500 denarë në fillim të mandatit, e rritëm në 14.500 denarë”, ka shënuar Zaev.

Kryeministri Zaev paralajmëron se do të vazhdojë të angazhohet për standard më të mirë të jetës për qytetarët.

“E përmirësojmë standardin e jetës të qytetarëve dhe vazhdojmë të luftojmë që Maqedonia e Veriut të bëhet vend më i mirë për të gjithë”, ka shënuar Zaev, përcjell albinfo.ch.

---