Sa do të gjobiteni për shkeljen e masave anti-Covid në Austri?

Nga mosmbajtja e distancës deri te mosmbajtja e maskës siç duhet, cilat janë gjobat për shkeljen e masave të reja të koronavirusit në Austri?

Mosmbajtja e një distance prej një metër tërheq një gjobë prej 100 €, raporton Kurier, përcjell albinfo.at.

Mosmbajtja e një maske – ose mbajtja e saj pa mbuluar siç duhet gojën dhe hundën – ka një gjobë prej 50 €.

Kushdo që injoron urdhrat e karantinës sipas Aktit të Epidemive, do të kërkohet të paguajë 150 €. Mosrespektimi i ndalimit të orës nga 20:00 deri në 6:00 do të tërheqë gjithashtu një gjobë prej 150 €.

E njohur në mënyrë jozyrtare si rregulli me dy persona, masa parandalon më shumë se dy persona të ulur pranë njëri-tjetrit në një makinë – përveç nëse vijnë nga e njëjta shtëpi.

Një gjobë prej 300 € do të aplikohet për organizatorët e ngjarjeve ose pronarët e bizneseve, të cilët tejkalojnë numrin maksimal të njerëzve në vendet e tyre. Kundërvajtësit e përsëritur mund të gjobiten deri në 500 €. Kushdo që shkel karantinën, mund të gjobitet deri në 1,450 €, përcjell tutje albinfo.at.

---