Sa është dënimi nëse vozitni me drita të fikura gjatë ditës

Në Zvicër, është e detyrueshme të ngasni me dritat gjatë ditës. Ligji hyri në fuqi më 1 janar 2014, si pjesë e një pakete rregullash për të zvogëluar aksidentet, i njohur si “Via Sicura”. Rregulli i dritave është përcaktuar në nenin 41 të ligjit të transportit rrugor federal zviceran dhe gjithashtu vlen edhe për motoçikletat

Disa vetura kanë dy grupe të dritave të përparme: fenerët e rregullt dhe dritat drejtuese. Sipas klubit zviceran të makinave TCS, nëse vetura juaj ka drita drejtuese këto mund të përdoren gjatë orëve të ditës. Dritat e drejtimit nuk janë të mjaftueshme në tunele ku duhet të përdoren dritat kryesore, përcjell albinfo.ch.

Ata që kapen në rrugët zvicerane me dritat e tyre të fikura gjatë ditës, mund të gjobiten me CHF 40.Rregullat e dritës së ditës janë më të rrepta në Zvicër sesa vendet fqinje.

Në Francë dhe Austri, dritat kërkohen gjatë ditës nëse dukshmëria është e dobët. Në Gjermani, fenerët duhet të përdoren gjatë orëve të ditës, nëse mjegulla, dëbora ose shiu kufizojnë dukshmërinë, përcjell tutje albinfo.ch.

Italia është më afër Zvicrës dhe kërkon drita gjatë ditës kur drejton jashtë qyteteve dhe kur shikimi është i dobët.Si rregull i përgjithshëm, gjithmonë ngarja me dritat kryesore do t’ju mbajë larg problemeve.

Një studim, duke përdorur të dhëna kryesisht nga Finlanda, Suedia dhe Danimarka, vlerëson se ndezja e dritave gjatë ditës mund të parandalojë 24.6% të vdekjeve të aksidenteve gjatë ditës.

 

---