Sa ka ndikuar vendosja e taksës në ekonominë serbe sipas AKB-së

Aleanca Kosovare e Bizneseve, ka realizuar një studim hulumtues në periudhën 21 nëntor- 5 dhjetor 2018 lidhur me ndikimin e taksës 100 % në ekonominë e Serbisë.

Në një konferencë për media ata prezantuan rezultatet e gjetura për Serbinë në shumë kompani eksportuese të cilat kapin vlerën dhjetëra miliona euro dhe rrezikim të mijëra punëtorëve për të mbetur pa punë.

Kryetari i Aleancës Kosovare të Bizneseve Agim Shahini, tha se AKB-ja, ka thënë se është i bindur se kjo do të ndikon pozitivisht në ekonominë dhe prodhimin vendor, shkruan albinfo.ch

“Kjo do të ndikoj negativisht në ekonominë e këtyre dy shteteve që vazhdimisht kanë krijuar pengesa të lëvizjes së lirë të mallrave, bizneseve, qytetarëve dhe kapitalit qoftë edhe transit, prandaj si e tillë Kosova e ka pas të vetmen zgjidhje për te prek në palcën e politikës dhe ekonomisë së këtyre vendeve që të respektojnë Kosovën në tërësi me të mirat e veta si partner dhe jo vetëm si vend që mund të vjelin qindra miliona euro pa i dhënë asnjë kundër shpërblim, por përkundrazi duke aplikuar edhe barriera jo tarifore ndaj Kosovës”, tha Agim Shahini.

Ai shtoi se AKB, ka mbështet partnerët e vet për ta realizuar këtë hulumtim studimor në 300 biznese ku janë përgjigj 95 kompani serbe që kryesisht bashkëpunojnë me kompanitë e ndryshme të Kosovës e që kanë mbi 45,000.00 punëtorë mbi efektet e taksës 100% në ekonominë e Serbisë dhe si përfundim ka ardhë se nga data 21 nëntor -05 dhjetor 2018 humbjet e këtij vendi janë dhjetëra miliona euro.