Sadiku tregon kë ofendoi pas super golit ndaj Baselit

Sulmuesi i Kombëtares shqiptare, Armando Sadiku ka shënuar një super gol ndaj Baselit, në takimin që përfundoi 1:1.

Sadiku hyri në lojën në pjesën e dytë për Luganon dhe realizoi në minutën e 67-të. Edhe pse shënoi një super gol, ai shau në gjuhën shqipe, shkruan albinfo.ch.

Sidoqoftë, pas ndeshjes ka thënë se është i lumtur për golin, por i vjen që nuk fituan në një takim të vështirë.

“Unë kështu jam, në momente të tilla tregoi inatin i shava pak të gjithë në shqip. Shava trajnerin, gazetarët, kur them të gjithë, të gjithë”, deklaroi Sadiku pas ndeshjes.

Ai shtoi se pret më shumë nga vetja e tij, përcjell tutje albinfo.ch.

Trajneri i Luganos, Fabio Celestini, është munduar të zbutë këtë moment. “Nuk e di nëse ishte për mua. Nëse po, ai duhet të sqarohet. Unë bëj zgjedhjet e mia. Disa luajnë nga fillimi, disa jo”, theksoi Celestini. Atij i erdhi mirë për golin e Sadikut, por keq që nuk fituan.

VIDEO