Samiti i Diasporës në Tiranë, urë lidhëse për kulturën dhe identitetin kombëtar

Teksa kanë mbetur edhe 13 ditë nga nisja e Samitit të III-të të Diasporës që mbahet më 22 dhe 23 nëntor në Tiranë, janë shpalosur edhe pjesëmarrës në këtë samit i cili po konsiderohet i një rëndësie të veçantë.

Nga Zvicra, pjesëmarrës në këtë Samit do të jenë, Prof.Dr. Vaxhid Sejdiu, Koordintar i shkollës “Shqipe”, Aina Hoti, Presidente e Swiss Albania Event, dhe Driton Kajtazi, pedagog dhe President i Institutit Zviceran per Studime Shqiptare.

“Le ta shohim këtë takim si një urë lidhëse ku secili prej nesh mund të kontribuojë në prezantimin sa më të mirë të gjuhës, kulturës dhe identitetit kombëtar, për një të ardhme më të ndritshme për ne në mërgatën shqiptare, dhe një shembull bashkimi për gjeneratat e reja”, tha sot përmes një video-mesazhi, Igli Hasani, ministër për Evropën dhe politikën e jashtme të Shqipërisë, Igli Hasani.