Sans-Papiers lirojnë selinë e SP-PS-së

Rreth 40 veta kishin marrë pjesë në "pushtim" dhe kishin kaluar edhe natën në sekretariatin e SP-së

Personat me qëndrim ilegal në Zvicër “Sans-Papiers” (Pa aletra) kanë liruar sërish selinë e partisë Socialdemokrate, pasi që e kishin mbajtur të zaptuar për afërisht 24 orë.

Heqjen dorë nga “pushtimi” i zyrës në fjalë, ilegalët e kanë bërë pasi kanë marrë garanci se do të takohen me kryetarin e kësaj partie, Christian Levrat dhe deputetët e saj në Parlamentin Federal.

Pas kësaj, personat pa letra kishin pranuar të marrin pjesë në një konferecë të SP-së mbi migracionin, ka bërë të ditur kjo parti.

Njerëzit pa letra kishin pushtuar sekretariatin e SP-së në pjesën qëndrore të Bernës të martën, pasi që ishin pritur nga ministrja e drejtësisë Simonetta Sommaruga. Por, ministrja nuk kishte pranuar lutjen e tyre për të bërë pranimin kolektiv të 173 personave. Kështu, rreth 40 veta kishin marrë pjesë në pushtim dhe kishin kaluar edhe natën në sekretariat.