SBB do të rinovojë trenat me dy kate për më shumë komoditet

Investim 90 milionësh i SBB-së për trenat me dy kate

Duke filluar nga viti i ardhshëm, SBB do të rinovojë gradualisht karrocat e trenave të saj me dy kate FV-Dosto, për të përmirësuar komoditetin e udhëtarëve gjatë udhëtimeve të gjata, përcjell albinfo.ch.

Sipas SBB, investimi prej rreth 90 milionë frangash zvicerane do të kompensohet nga kostot më të ulëta të mirëmbajtjes.

Trenat e mëparshëm shpesh shkaktonin probleme për SBB-në dhe në gjuhën e përditshme njiheshin si “trena që dridhen”.

Megjithatë, sipas një deklarate të Hekurudhave Federale Zvicerane, testet e gjera të kryera që nga pranvera treguan se përveç përmirësimit të komoditetit të pasagjerëve, është rritur edhe besueshmëria e trenave. Përmirësimi pritet të kursesë hekurudhës një total neto prej 40 milionë frangash zvicerane.

---