Shkurt.ch

Schaffhausen-i kundër mbeturinave nukleare

Ligji i ndryshuar do të detyronte qeverinë kantonale që të kundërshtojë ndërtimin e deponive nukleare edhe në kantonet fqinje

Në kantonin e Schaffhausen-it po formësohet dhe zgjerohet një rezistencë kundër deponisë së mbeturinave të centraleve atomike. Lidhur me këtë, edhe parlamenti i kantonit ka vendosur të bëjë ndryshimin e ligjit përkatës, njofton drs.ch.

Ligji i ndryshuar do të detyronte qeverinë kantonale që të kundërshtojë jo vetëm ndërtimin e një deponie të tillë brenda kufijve të kantonit por edhe në kantonet fqinje. Konkretisht, ndryshimi i ligjit i referohet rrezikut për ndërtimin e një deponie të tillë në Benken, lokalitet ky i kantonit të Cyrihut, në kufi me kantonin e Schaffhausen-it.