Sekretari amerikan i Shtetit, Mike Pompeo, do të vizitojë Zvicrën

Sekretari i Shteteve të Bashkuara, Mike Pompeo, do të vizitojë Zvicrën, si pjesë e një udhëtimi në Evropë javën e ardhshme, thonë zyrtarët e SHBA-së dhe ato zvicerane.

Pompeo gjithashtu do të vizitojë Gjermaninë në udhëtimin e tij nga 30 deri më 5 qershor, tha të premten mbrëma Departamenti i Shtetit në një deklaratë.

Sekretari pastaj do të udhëtojë në Zvicër, ku do të takohet me ministrin e Jashtëm Cassis. Ai do të takohet gjithashtu me krerët e biznesit zviceran dhe me Drejtorin e Përgjithshëm të Organizatës Botërore të Shëndetësisë, Dr. Tedros Ghebreyesus, thuhet në njoftim.

Vizita e Pompeo u konfirmua në swissinfo.ch në një deklaratë me shkrim të premten nga Departamenti Federal i Zvicrës, i cili tha se Pompeo do të vizitojë Zvicrën “së shpejti” dhe se Cassis do ta “marrë atë për bisedime dypalëshe”. FDFA tha se do të lëshojë më shumë informata në kohën e duhur, përcjell Albinfo.ch.

Pompeo kishte anuluar një udhëtim të mëparshëm në Gjermani pas tensioneve të larta me Iranin.

Vizita e nivelit të lartë në Zvicër vjen pak pasi Presidenti zviceran, Ueli Mauer, u prit nga Presidenti Trump në Shtëpinë e Bardhë.