Serbët e veriut e ‘shpallin’ Asociacionin e Komunave Serbe

Situata në veri të Kosovës akoma nuk është stabilizuar qysh prej mëngjesit kur institucionet e Kosovës autorizuan nisjen e zbatimit të reciprocitetit në targa, duke i detyruar kështu të gjithë ata që hyjnë nga Serbia në Kosovë që t’i heqin targat serbe dhe t’i zëvendësojnë ato me targa të përkohshme gjatë qëndrimit në Republikën e Kosovës, shkruan Albinfo.ch.

Pas këtij vendimi, banorët serbë në veri të vendit vazhdojnë të protestojnë, duke mbajtur të bllokuara rrugët që çojnë në pikat kufitare me Serbinë, në Jarinjë e Bërnjak.

Serbët në afërsi të kufirit kanë ngritur tenda për të kaluar natën, e afër tyre kanë shpalosur edhe një transparent të madh, ku thuhet “Mirë se vini në Asociacionin e Komunave Serbe”, ka raportuar portali serb “Kosovo Online”.