Serbët i rikthejnë kujdestaritë në barrikada

Mitrovicë. Përfaqësuesit e serbëve të Mitrovicës kanë vendosur të hënën në mbrëmje, që t’i rikthejnë kujdestaritë nëpër barrikada.

I ashtuquajturi Shtabi i Emergjencës i cili mbledh rreth vetes të gjitha ekstremistët serbë, ka kërkuar nga të gjithë serbët e Mitrovicës së veriut të moshës madhore, që t’i përgjigjen kësaj thirrje, gjoja për të mbrojtur “pronën nga kërcënimet e jashtme”.

Po ashtu, sipas burimeve të “Albinfo.ch” nga Mitrovica, ky i ashtuquajtur shtab, ka vendosur që të pengojë lëvizjen e lirë të përfaqësuesve të EULEX-it në veri, ndërsa përpjekjet e tyre për të hyrë dhunshëm, sipas vendimit të këtij shtabi, do të konsiderohen agresion.

Po ashtu përfaqësuesit e serbëve të veriut kanë thënë se nëse do të ketë incidente me pasoja, “faturën do ta paguajnë ndërkombëtarët”. Ndërsa mesazhi tjerë i këtij të ashtuquajturi “shtab”, është që të gjithë barrikaduesit të jenë të paarmatosur.

Ky reagimi i serbëve të veriut ka ardhur pa deklaratës së Ivica Daëiq, ministër serb i Rendit, i cili tha se serbët duhet t’u kundërpërgjigjen fuqisë së KFOR-it. Ky i fundit më 1 qershor reagoi për heqjen e barrikadës në Rudarë, që lidhë Mitrovicën me Leposaviqin.

Aksioni i KFOR-it rezultoi me dy ushtarë të plagosur dhe tre ekstremistë serbë po ashtu të lënduar.