Serbi, 74 për qind kundër pavarësisë së Kosovës

Edhe të rinjtë në Serbi nuk dallojnë në qëndrime nga të vjetrit. Sipas një sondazhi, 74 për qind e të rinjve nën 30 vjeç, janë deklaruar kundër pavarësisë së Kosovës

Më shumë se 70 për qind të të rinjve në Serbi janë deklaruar kundër njohjes së pavarësisë së Kosovës nëse ajo vihet kusht, ndërsa 26 për qind janë deklaruar kundër hyrjes së Serbisë në Bashkimin Evropian. Kështu të paktën thuhen në një sondazh që ka zhvilluar Faktor Plus.

Sipas sondazhit të kryer në mes të 25-29 prill, me një mostër prej 800 të rinjsh të moshës 18-25 vjeç, nëse do të organizohet sot një referendum gjithëpopullor në Serbi, del se 32 për qind e të rinjve janë për hyrjen e shtetit serb në Bashkimin Evropian, kundër 26 për qind, 17 për qind të pavendosur, ndërsa 25 për qind nuk do të votonin.

Sa i përket njohjes së pavarësisë së Kosovës për hir të anëtarësimit në BE, 74 për qind thanë “JO”, 16 për qind “PO”, ndërsa 10 për qind të të anketuarve janë në mëdyshje, raporton TG.

Po ashtu në mesin e pyetjeve ka qenë edh anëtarësimi i Serbisë në NATO. Qëndrimi ndaj kësaj pyetje ka qenë: 34 për qind janë për hyrjen në NATO, 30 për qind të pavendosur, ndërsa 21 për qind nuk do të votonin. Në këtë pyetje vetëm 15 për qind të të rinjve i thanë po anëtarësimit.