Shaqiri dhe Xhaka, me më shumë paraqitje te Zvicra nga ekipi aktual

Nati bëhen gati për paraqitjen e nëntë në Kupën e Botës

Zvicra për herë të nëntë do të paraqitet në Kupën e Botës, ndërsa shpreson në paraqitje të mira, pse jo për një sukses historik.

Më i madhi ishte çerekfinalja në Kupën e Botës, ndërsa kujtojmë që janë në grup me Kamerunin, Brazilin dhe Serbinë, shkruan albinfo.ch.

Futbollisti me më shumë paraqitje në Nati është Heinz Hermann me 118 ndeshje, ku kishte shënuar edhe 15 gola, kurse Alain Geiger është i dyti me 112. Stephen Lichtsteiner dhe Xherdan Shaqiri kanë nga 108. Shaqiri paraqitet për Zvicrën nga viti 2010 dhe mund të thyejë këtë rekord. Granit Xhaka është në vendin e pestë me 106. Xhaka është kapiten, kurse Shaqiri zëvendëskapiten. Nga ekipi aktual, Ricardo Rodriguez ka 100 ndeshje dhe Haris Seferoviq 88.

Sa u përket golave, Alexander Frei është në vendin e parë me 42 gola, shkruan tutje albinfo.ch.

Shaqiri ka 26 gola, ndërsa Seferoviq 25.

Botërori zhvillohet nga 20 nëntori deri më 18 dhjetor.

---