SHBA hedh gaz lotsjellës ndaj emigrantëve

Keystone/ Ilustrim

Policia Amerikane ka lëshuar gaz lotsjellës kundër emigrantëve të ndaluar në kufirin mes Shtetëve të Bashkuara të Amerikës dhe Meksisës në zonën mes Tijuanës dhe San Diegos.

Autoritetet  Amerikane kanë mbyllur kufirin kjo shkakë i tentativës së mësymjes nga ana e një grupi emigrantësh të cilët synonin të hynin në SHBA me forcë, përcjell Albinfo.ch

Afro 3.000 emigrant nga vendet e Amerikës Qendrore kanë mbërritur tashmë në qytetin meksikan kufitar të Tijuanës. Emigrantët pretendojnë se po largohen nga persekutimi, varfëria dhe dhuna në vendet si Hondurasi, Guatemala dhe El Salvadori.

Mirëpo presidenti Donald Trump e ka përshkruar karvanin e emigrantëve, të cilët po përpiqen të kalojnë kufirin për të hyrë në SHBA si “pushtues”, prandaj ai ka dërguar rreth 5.800 trupa në kufirin jugor, për t’ua vështirësuar kalimin atyre.

Të mërkurën,është bërë e ditur nga Mattis se  Departamenti i Sigurisë së Brendshme nuk ka kërkuar aspak që trupat të përdorin “forcë vdekjeprurëse”, duke garantuar kështu të gjithë që të qëndrojnë të pashqetësuar.

“Nëse dikush sulmon një patrullues kufitar dhe nëse gjendemi në pozicionin për të bërë diçka për atë, sigurisht që do t’i ndalim ata nga ushtrimi i dhunës dhe do t’i dorëzojmë më pas te patrulluesit kufitarë, të cilët kanë edhe tagrin për t’i arrestuar”, tha Mattis.