“SHBA nuk dikton zgjidhjen përfundimtare mes Kosovës dhe Serbisë”

Nënsekretari amerikan për çështje politike, David Hale, ka thënë se nuk i takon SHBA-së, e as ndonjë vendi tjetër, të diktojë zgjidhjen përfundimtare ndërmjet Kosovës e Serbisë. 

Zyrtari amerikan, i cili këtë fundjavë do ta vizitojë Prishtinën dhe Beogradin, në një intervistë për të përditshmen serbe “Danas”, ka thënë se ai është optimist se këtë vit mund të arrihet një zgjidhje ndërmjet dy vendeve. 

Ai ka përsëritur se dialogu duhet të vazhdojë dhe taksa ndaj mallrave serbe duhet të hiqet, duke shtuar se SHBA-ja nuk do të ofrojë “recetën” për zgjidhje.