Edhe kompania “Bibaj Group Int”, shembull suksesi

Shembujve të suksesit të shqiptarëve në vende të ndryshme të botës u shtohet dhe kompania “Bibaj Group Int” me hotelin e tyre në Lubjanë. Në restorantin e hotel “Morea“ ofrohet kuzhinë mesdhetare nga kryekuzhinieri shqiptar Orges Merepeza, shkruan albinfo.ch.

Ambasadori Pëllumb Qazimi, së bashku me Myles Geiran, ambasador i Irlandës në Slloveni, kanë vizituar Hotel Morea në Lubjanë.

Ata janë pritur nga Petrit Bibaj, përfaqësues i »Bibaj Group Int«, që është investitori dhe jetësuesi i projektit.

Hotel Morea ofron kushte shumë të mira akomodimi, çmime të arsyeshme dhe kulinari të pasur, jo thjesht tradicionale, por tipike mesdhetare. Kjo garantohet për klientët nga kryekuzhinieri Orges Merepeza nga Tirana.

Në këtë biznes Petrit Bibaj nga Ferizaj i Kosovës ka arritur të punësojë shtetas nga Kosova, Maqedonia e Veriut, Shqipëria dhe Sllovenia. Shembulli i tij është histori suksesi, shembull inkurajues për t’u ndjekur nga shqiptarë të tjerë me banim në Slloveni, për të investuar edhe në vendet amë. /Albinfo.ch