Shënoi 2 gola, Zhegrova në formacionin e javës në Francë

Keystone (AP Photo/Michel Spingler)

Futbollisti i Kosovës, Edon Zhegrova është futur në formacionin e javës në Ligue 1 të Francës.

Ylli kosovar zhvilloi një super ndeshje me fanellën e Lille në derbin ndaj Lensit, ku e fituan me rezultatin 2:1.

Zhegrova në këtë ndeshje realizoi dy gola të bukur dhe luajti deri në minutën e 77-të, transmeton albinfo.ch.

Preku 42 herë topin, bëri 15 pasime të sakta dhe u vlerësua me notën 8.2.

Lojtari “Dardan” gjatë këtij sezoni në Ligue 1 në Francë ka shënuar pesë gola dhe ka bërë pesë asiste.