Zvicër: Numri i vjedhjeve në rënie, mashtrimet në rritje

Foto ilustrim

Numri i vjedhjeve të regjistruara në Zvicër gati është përgjysmuar që nga viti 2012, por mashtrimet janë në rritje. Krimet e dhunshme mbeten të qëndrueshme.

Në vitin 2018 policia regjistroi rreth 112,000 vjedhje në Zvicër, një rënie prej 7.9% nga një vit më parë, sipas statistikave të fundit të krimeve të publikuara nga Zyra Federale e Statistikave, përcjell albinfo.ch.

Në vitin 2012 ka pasur 219,000 vjedhje. Kjo përfshin thyerjen dhe hyrjen me forcë.

Vjedhja (1,644 vepra penale) dhe dëmtimi i pronës pa vjedhje (42,243 vepra) janë gjithashtu në rënie, të dyja duke arritur një nivel  të ulët dhjetëvjeçar më 2018. Numri i vjedhjeve gjithashtu ra me 7% në 30,383. Kjo ende përbën tri vjedhje në orë në Zvicër, sipas Konferencës së Komandantëve të Policisë Kantonale, përcjell albinfo.ch.

Vjedhjet e automjeteve kanë arritur nivelin më të ulët që nga viti 2009. Krahasuar me vitin 2017, më pak biçikleta, por më shumë e-bikes u raportuan se ishin vjedhur në polici.

Numri i përgjithshëm i veprave penale të regjistruara nga policia kundër Kodit Penal dhe Ligjit të Narkotikëve ranë përkatësisht në vitin 2018 me 1.4% dhe 4.7%.

Sipas Konferencës së Komandantëve të Policisë Kantonale, 13% më shumë vepra penale janë kryer, për shembull, në keqpërdorimin e pajisjeve të përpunimit të të dhënave, përcjell albinfo.ch.

Pavarësisht rritjes së sulmeve (+745) dhe lëndimeve të thjeshta fizike (187), numri i përgjithshëm i të gjitha krimeve të dhunshme për 1,000 banorë ka mbetur relativisht i qëndrueshëm në 5.2 për mijë, apo gjithsej 1,425, sipas Zyrës statistikore.

Kishte 50 vrasje në Zvicër në vitin 2018, më shumë se gjysma e të cilave ndodhën në shtëpi.

Me 8,553 raste, policia regjistroi 0.5% më pak vepra penale nga të miturit në vitin 2018 krahasuar me vitin paraprak, përcjell albinfo.ch

Në mesin e atyre të moshës 18-24, ka pasur një rritje prej 1.5% (13.859) në vitin paraprak, por kjo është gjithashtu një rënie krahasuar me vitin 2009 (16.595). Të rriturit përfaqësonin 57,796 të akuzuar, që është një rritje prej 3,6%. Kjo është vlera më e madhe që nga viti 2009 kur kishte 48,666 të pandehur të rritur.

Numri i të miturve dhe të rriturve të akuzuar për përdorim të drogës ka rënë përkatësisht me 9.6% dhe 3.4%.

Zyra statistikore vëren se kjo rënie kryesisht ndikon në konsumin e produkteve të kanabisit. Përdorimi i kanabisit ndëshkohet vetëm me gjobë për të rriturit dhe prandaj nuk raportohet në statistikat e krimeve të policisë.