Shërohet i infektuari i parë nga koronavirusi në Zvicrën Qendrore

Bëhet fjalë për një të ri 21-vjeçar, i cili gjatë gjithë kohës si i infektuar kishte simptoma të lehta të koronavirusit

Në mesin e shumë lajmeve shqetësuese për zhvillimin e rrezikshëm që po merr koronavirusi, ja edhe një lajm i mirë. Një person nga Zvicra Qendrore, i pari që ishte infektuar nga koronavirusi në këtë regjion, është “absolutisht i shëndoshë”, shkruan srf.ch.

Bëhet fjalë për një të ri 21-vjeçar, i cili gjatë gjithë kohës si i infektuar kishte simptoma të lehta të koronavirusit, transmeton albinfo.ch. Këtë njoftim e ka dhënë sot Drejtoria për Shëndet Publik e Kantonit të Zug-ut, në Zvicrën Qendrore.

Në këtë kanton deri më tash janë infektuar 24 persona.

Kantoni Zug rastuin e parë të infektimit me koronavirus e kishte raportuar më 3 mars, përcjell albinfo.ch. Personi me banim në këtë kanton ishte infektuar në një ndejë private në Kantonin e Cyrihut. Po kështu ai ishte shtruar në një spital të Cyrihut, ku ishte mbajtur në izolim.

---