Lajme

Shifrat me koronavirus në Zvicër

Një ditë më parë ishin 383 raste të reja, kurse sot kishte më pak të infektuar

E enjte, 27 Gusht 2020 - 16:20 albinfo.ch
(KEYSTONE/Gian Ehrenzeller)

Në dy ditët e fundit ka pasur një ngritje të lehtë të rasteve me koronavirus në Zvicër dhe në Principatën e Lihtenshtajnit.

Gjatë ditës së sotme janë konfirmuar 361 raste të reja, katër persona janë shtrirë në spital dhe një person ka ndërruar jetë, shkruan albinfo.ch.

12 668 teste janë kryer gjatë ditës së sotme sipas statistikave zyrtare.

Ndërkohë, mbi 16 mijë persona kanë qenë në karantinë pas ardhjes në Zvicër nga vendet me rrezik të lartë.

Nga fillimi i pandemisë janë regjistruar 41 006 raste në Zvicër me 4518 persona që ishin në spital dhe 1724 persona të vdekur.

Gjithashtu nga fillimi i pandemisë janë kryer mbi 975 mijë teste.

 Të ngjashme

Gjykata e Strasburgut fajëson Zvicrën: Ka dëbuar padrejtësisht kosovarin

 Të tjera nga Lajme

Rritet numri i dyqaneve bosh në Gjenevë – alarm për ekonominë lokale

 E-Diaspora

 Jeta në Zvicër