Shkatërrohet banda, në mesin e saj edhe katër shqiptarë

Plot dhjetë pjesëtarë të këtij rrjeti janë dënuar nga Gjykata britanike në Uells me 116 vite burg

Një bandë është shkatërruar në Kardif të Uellsit, në të cilën kishte edhe shqiptarë.

Plot dhjetë pjesëtarë të këtij rrjeti janë dënuar nga Gjykata britanike në Uells me 116 vite burg, pas një operacioni antidrogë të cilësuar si një nga më të vështirat dhe më të zgjaturat në kokë, ku katër forca të ndryshme policore në Uells dhe Angli kanë mundur të vënë pas hekurave shtatë grupe kriminale të lidhura me rrjetin shqiptar të furnizimit të kokainës, që qarkullonte miliona funte, shkruan “TCH”.

Në mes e të dënuarve janë katër shqiptarë, kreu i të cilëve, një 31-vjeçar me banim në Milton Keynes në veri të Londrës, i dënuar me 18 vite burg, konsiderohet nga policia si koka e rrjetit që ka furnizuar Uellsin me kokainë të një pastërtie mjaft të lartë, përcjell albinfo.ch.

Gjatë hetimeve, dedektivët mundën të zbulojnë në adresa të ndryshme rreth 450 mijë funte “cash” dhe bizhuteri e sende të shtrenjta në vlerën e 100 mijë funteve, si dhe disa kg kokainë.

Arrestimet janë kryer në Angli dhe Uells, si dhe në Marbella të Spanjës.