Shkatërrohet nga zjarri strehimorja e azilkërkuesve

Foto: Kantonspolizei St. Gallen

Një strehimore e refugjatëve në Zvicër u shkatërrua nga zjarri, duke lënë 24 banorët e saj aktualë të pastrehë, tha policia kantonale.

Sipas hetuesve, zjarri shpërtheu në qendrën për strehimin e azilkërkuesve. Deri tani nuk ka të dhëna se ishte zjarrvënie, tha një zëdhënës i policisë.

Më shumë se 70 zjarrfikës dy orë u përpoqën të shuajnë zjarrin që shpërtheu pak pas mesnate në Kaltbrun, në kantonin e St. Gallen-it.

Gjatë shpërthimit të zjarrit kanë qenë vetëm 14 banorë që dolën të padëmtuar nga ndërtesa.

Azilkërkuesit janë vendosur përkohësisht në një ndërtesë komunale dhe komuna do të duhet të gjejë nje hapësirë për strehim të përkohshëm.