Shqipëria

Shkatërrohet organizata kriminale në Belgjikë, 12 shqiptarë të arrestuar

E mërkurë, 10 Janar 2024 - 21:50 albinfo.ch

Operacioni policor i koduar “Antwerp” shkatërroi një organizatë kriminale që drejtohej nga shtetas shqiptarë, me bazë në Antwerp, Belgjikë, që trafikonte drogë dhe armë nga Amerika e Jugut në Belgjikë.

Autoritetet njoftuan se gjatë operacionit janë vënë në pranga në Belgjikë 18 shtetas, pjesëtarë të kësaj organizate kriminale, teksa 12 prej tyre janë shtetas shqiptarë.

Policia e Shqipërisë njoftoi sot se, si rezultat i shkëmbimit të informacioneve dhe hetimeve të përbashkëta mes strukturave të Policisë së Shtetit dhe homologëve në shtetin e Belgjikës, për një organizatë kriminale që vepronte në Belgjikë dhe drejtohej nga shtetas shqiptarë, është finalizuar operacioni policor i koduar “Antwerp”.

Gjatë këtij operacioni Policia belge ka kontrolluar 19 banesa dhe ambiente të tjera në qytetit e Antwerpit.