82-vjeçari kapet dy herë duke ngarë makinën në drejtim të kundërt

Për fat të mirë në asnjërin nga rastet nuk ka ndodhur ndonjë aksident. Ndërsa plakut i është marrë patenta e shoferit në vend të kapjes së dytë

Një shofer 82-vjeçar në orët e hershme të së dielës është ndaluar në  autostradë afër qytetit St.Margrethen (Kantoni St.Gallen) nga policia derisa po e ngiste makinën, shkruan srf.ch. Arsye për ndalimin e tij ishte: plaku po voziste në kahun e kundërt me drejtimin e autostradës, gjë që përbënte rrezik të madh për të dhe pjesëmarrësit e tjerë në komunikacion.

Policia kishte bërë ndalesën pasi që kishte marrë një numër njoftimesh nga shoferët e tjerë për sjelljen e rrezikshme të ngasësit të përmendur, transmeton albinfo.ch. Por, plaku i kishte ikur patrullës së parë policore. Vetëm vendosja e bllokimit rrugor nga policia, ka arritur ta stopojë plakun.

Ndërkohë, siç ka konstatuar policia më vonë, po ky 82-vjeçar kishte bërë shkelje të njëjtë edhe një ditë më parë. Ai kishte vozitur makinën në autostradën A3 drejtimin e kundërt me atë të rregulltin.

Për fat të mirë në asnjërin nga rastet nuk ka ndodhur ndonjë aksident, përcjell albinfo.ch. Ndërsa plakut “aventurier” i është marrë patenta e shoferit në vend të ngjarjes, d.m.th  pas kapjes në shkeljen e dytë të rregullave të komunikacionit.

(Foto: Ilustrim)

---