Sonte, në Wetzikon hapet ekspozita e Shoqatës “ArtPlisi” me veprat e 17 artistëve shqiptarë

Në veçanti është ky rast i rrallë për të parë veprat e artistit nga Tirana, Saimir Strati, i cili mban 11 rekorde botërore në teknikat e ndryshme të mozaikut

“Ju ftojmë të merrni pjesë në ekspozitën e përbashkët të 17 artistëve shqiptarë që jetojnë në Zvicër, e cila organizohet në kuadër të aktiviteteve kulturore të shoqatës së posaformuar të arteve pamore “ArtPlisi”, në galerinë “Kemptnertobel” në Wetzikon”, thuhet në një njoftim të shoqatës së re.

Në mbrëmjen e hapjes (Vernisage) do të keni rastin që më për së afërmi t`i përjetoni veprat e këtyre piktorëve të spikatur, transmeton albinfo.ch. Në veçanti është ky rast i rrallë për të parë veprat e artistit nga Tirana, Saimir Strati, i cili mban 11 rekorde botërore në teknikat e ndryshme të mozaikut.

Veç të tjerëve, punimet e tyre do t`i ekspozojnë edhe piktorët si: Ramë Dardania nga Gjeneva dhe maestro Idrizi Berisha “Xhixhi” i cili vjen nga Kosova si pjesëmarrës nderi por edhe shumë të tjer, thuhet në njoftimin e dërguar nga kryetari i shoqatës, Dussi Sadriji.

Hapja e ekspozitës bëhet më 9.11. 2024, me fillim në orën 18.00 ndërsa mbyllja, më 01. dhjetor 20024, në orën 17.00.

Adresa: Gallerie  “Kemptnertobel”, Tobelweg  9, 8623, Wetzikon

 

 

---