Shpërthen austriakja e tradhtuar: Rrah gruan e kosovarit, vjehrrën dhe policin!

Derën ia hap nusja shumë e bukur 27 vjeçare e kosovarit... Dhe, kjo ishte e padurueshme për vjenezen: e acaruar në kulm ajo i sulet nuses së re ndërsa me vete e merr edhe nënën e saj që i kishte ardhur për ndihmë të bijës

Një grua e re nga Vjena kishte një lidhje disavjeçare me një kosovar. Lidhja po shkonte mirë dhe kur ajo shpresonte për kurorëzimin e saj me martesë, kosovari ia pret papritur: “Ti duhet të ikësh këto ditë. Gruaja ime dhe vjehrra janë duke ardhur, një vizitë spontane. Unë jam i martuar në Kosovë”, shkruan heute.at.

Këtë befasi ajo e kishte vështirë ta kapërdinte. Dhe kur e kishte parë pastaj çiftin e ri në një piknik romantik në pishinë, asaj i ishin ndezur të gjitha dritat: kishte shkuar në banesën e ish dashnorit të saj në Gänserndorf për të kërkuar shpjegim, transmeton albinfo.ch. Derën ia hap nusja shumë e bukur 27 vjeçare e kosovarit… Dhe, kjo ishte e padurueshme për vjenezen: e acaruar në kulm ajo i sulet nuses së re ndërsa me vete e merr edhe nënën e saj që i kishte ardhur për ndihmë të bijës.

Madje edhe polici që kishte ardhur ndërkohë e kishte pësuar nga austriakja e mllefosur. Ajo e kishte goditur edhe atë me gjunj në brinjë.

Para gjyqit ajo ka kërkuar falje: “Më vjen keq por kisha dalë nga vetja”, përcjell albinfo.ch. Ndërsa gjyqtari e ka ngushëlluar: “Ju keni humbur vite të tëra me këtë burrë të pabesë dhe kjo mjafton si dënim”. Megjithatë, ajo është dënuar me 500 euro si zhdëmtim.