Shpërthen tritoli në qytetin e Vlorës

150 gram tritol kanë shpërthyer mëngjesin e sotëm në një ndërtesë në qytetin e Vlorës në Shqipëri duke i tronditur banorët.

Por fatmirësisht përveç dëmeve materiale nuk ka pasur të lënduar. Mediat në Shqipëri thonë se cak i sulmuesve ishte një person që ka pasur precedentë të mëparshëm penalë për trafik droge, për çka ai kishte mbajtur edhe burg.

Megjithatë 43 vjeçari ka deklaruar se nuk ka pasur konflikte me askënd.

Policia njofton se ka marrë në pyetje familjarët për të siguruar të dhëna që mund të ndihmojnë në identifikimin e autorit apo autorëve të krimit.