Shqipëria
Shqipëri: Diaspora, probleme në regjistrim, 35% e aplikimeve refuzohen

Një javë nga nisja e regjistrimit të diasporës për zgjedhjet parlamentare të 11 majit në Shqipëri, procesi është shoqëruar me fluks të lartë kërkesash, por edhe me pasaktësi.
Të dhënat e procesit të regjistrimit të emigrantëve tregojnë se 35% e aplikimeve refuzohen nga ana e Komisionit Qendror të Zgjedhjeve, ku shkaku kryesore është deklarimi gabim i adresës së vendbanimit jashtë vendit, transmeton albinfo.ch.
Juristi Franc Nuri thotë: “Ideja është se adresa që ata hedhin tek të dhënat në data-bazën e KQZ, nuk korrespondon me dokumentin që e vërteton adresën dhe kjo bën të refuzohet. Apo lidhja e adresës së personit është problematike me rezidencën e tij”.
Për të shmangur këtë gabim në plotësimin e formularit elektronik, duhet që krahas adresës, shqiptarët që jetojnë jashtë vendit të ngarkojnë në sistem edhe një dokument që provojnë se jetojnë aty, raporton TCH.
“Në kuptim që një familjar anëtar i një familje duhet të sjellë dokumente shtesë pasi karta e rezidencës është në emër të kryefamiljarit, por që të vërtetojë se jeton aty do sjellë attach certifikatën familjare për të vërtetuar lidhjen me atë familjar”, shtoi Nuri.
Komisioni Qendror i Zgjedhjeve është në garë me kohën për të përballuar dyndjen e emigrantëve të cilët duan të votojnë në zgjedhjet e 11 maji.
Nga momenti i aplikimit në platformën elektronike, operatorët e KQZ kanë 5 ditë kohe për të pranuar apo refuzuar kërkesën. Në rast se i refuzohet aplikimi, emigranti ka të drejtë të aplikojë serish duke korrigjuar dokumentet e pasaktë.
E-Diaspora
-
Kosova votoi sot edhe në Gjenevë: Pesha historike e një date "Kisha zgjedhur të përjetoj këtë eksperiencë klasike. Ndoshta për herë të parë këtu në Gjenevë po...
-
Vijon votimi në Ambasadën e Sllovenisë
-
Vjenë: 510 bashkatdhetarë kanë votuar deri në orën 15:00
-
Mërgimtarët votojnë në Zagreb
-
Mërgimtarë të shumtë në aeroportin e Prishtinës
Jeta në Zvicër
-
Nesër në Zvicër: Votime të shumta komunale Në komunën e Domat/Ems në kantonin Graubünden vendosin për vendosjen e të drejtës për të votuar...
-
Orari i ri i SBB nuk është pritur mirë në Zvicrën frëngjishtfolëse
-
Kosova votoi sot edhe në Gjenevë: Pesha historike e një date
-
Moment Historik për Diasporën e Kosovës
-
Këshilli Federal nuk dëshiron të rregullojë me ligj shpenzimet e diskutueshme të BE-së