Shqipëri: Fermerët ankohen për çmimet dhe mosinteresimin institucional

Foto ilustrim

Festën e dredhëzave, fermerët në Frakull të Fierit e kanë shfrytëzuar për të shprehur shqetësimin për çmimin e ulët të tyre, por edhe mungesën e vëmendjes për këtë kategori nga institucionet, përcjell albinfo.ch.

Ky ishte viti i tretë që dredhëzës i kushtohet festa. Por, fermerët që merren me kultivimin e saj thonë se nuk kanë arsye të jenë entuziastë, dhe aq më tepër të festojnë.

 “Prodhimi nuk ka qenë ai i prituri. Hasim vështirësi si në prodhim, si në çmime. Malli ka pasur probleme për t’u shitur”, kanë thënë prodhuesit.

 Ministri Blendi Klosi, i shoqëruar nga kryebashkiaku i Fierit, Armando Subashi, tha se  festa të tilla shërbejnë për të promovuar prodhimin vendor. 

Klosi theksoi se kjo ngjarje është një kombinim i duhur i festës tradicionale e prodhimeve vendase.