Shqipëri: Nis java kulturore zvicerane 2026 

Java Kulturore Zvicerane 2026 ka nisur zyrtarisht, duke sjellë një program të pasur artistik dhe kulturor në disa qytete të Shqipërisë. Nga 27 janari deri më 7 shkurt, Fondi Kulturor Zviceran do të prezantojë shfaqje teatrore, ekspozita dhe biseda publike në Tiranë, Elbasan, Shkodër dhe qytete të tjera.

Programi i këtij viti fokusohet në tema bashkëkohore si mjedisi, gjinia, kujtesa kolektive dhe historia e kohëve të fundit e Shqipërisë, të trajtuara përmes formave të ndryshme të artit dhe dialogut kulturor, transmeton albinfo.ch.

Organizatorët synojnë të nxisin shkëmbimin kulturor dhe diskutimin publik, duke krijuar hapësira reflektimi mes artistëve dhe publikut. Aktivitetet janë të hapura për të gjithë të interesuarit, ndërsa programi i plotë mund të gjendet në platformat zyrtare të Fondit Kulturor Zviceran.