Shqipëri: Një orë pune paguhet 10 herë më pak se në Europë

Foto Ilustrim

Krahasuar me mesataren e Bashkimit Evropian, kostoja e punës në Shqipëri kushton 10 herë më pak.

Instituti i Statistikave në Shqipëri, në publikimin e fundit të të dhënave nga EUROSTAT thotë se një kompanie në Shqipëri një orë pune i kushton mesatarisht 2.5 euro, përcjell albinfo.ch.

Pas Shqipërisë, në vendet e BE-së vendet me koston më të lirë për një orë punë janë Bullgaria, ku më 2018-ën një orë pune kushtonte 5.4 euro, ndërsa në Rumani rreth 6.9 euro.

Në gjithë ekonominë e Bashkimit Evropian, duke përjashtuar bujqësinë dhe administratën publike, kosto mesatare e punës është  27.4 euro, me një rritje prej 2.7 për qind në krahasim me një vit më parë.

Në vendet ku përdoret monedha euro, kostot mesatare për orë pune ishin më të larta.

Më 2018-ën ato u përllogariten rreth 30.6 euro. Për 2018-ën, vendet me koston më të lartë të punës ishin Norvegjia me 50 euro për orë, Danimarka me 43.5, Islanda me 42.5, Luksemburgu me 40.6.