Shqipëri, PD proteston kundër blerjes së votave

Protesta e opozitës u organizua pasi që emisioni “Fiks Fare” në Top Channel, nxori në pah manipulimet me blerjen e votave në Korçë

Ka mjaftuar vetëm një video e emisionit “Fiks Fare” në Top Channel, për ta nxjerr në rrugë Partinë Demokratike të Shqipërisë, e cila protestoi të hënën kundër blerjes së votave në Bashkinë e Korçës. PD konteston procesin zgjedhor, duke besuar se ai është manipuluar dhe trafikuar.   

Protestës së demokratëve me moton “Të shpëtojmë votën e lirë” i priu kryetar i PD-së Lulzim Basha,  i ndjekur nga ish-kryetari Sali Berisha dhe kandidatët tjerë, Jozefina Topalli, Jorida Tabaku, Astrit Patozi etj.

“Zgjedhje të blera nga mafia politike dhe ekonomike në vend. Ja pra pse ky është momenti i një alarmi të madh për një rrezik shumë të madh që kërcënon demokracinë shqiptare, fëmijët tanë të lindur e të palindur. Ne, opozita jemi në këmbë të vendosur si asnjëherë tjetër për ti dalë përballë siç po i ndalim dhe si po i themi këtij rreziku vdekjeprurës të shitblerjes kriminale të votës”, tha Basha.

Çështja e zgjedhjeve të lira, sipas liderit të PD-së, është para së gjithash çështje e popullit të lirë dhe sovran, çështja e mijëra e mijëra shqiptarëve |që me mendje e zemër janë bashkë me ne”.

Protesta e opozitës u organizua pasi që emisioni “Fiks Fare” në Top Channel, nxori në pah manipulimet me blerjen e votave në Korçë. Vetë gazetari i dha 200 lekë të reja (15 euro) në shkëmbin të votës për Partinë Socialiste.

Sipas Bashës, ky moment alarmi i kërkon të gjithë të bëhen opozitarë dhe të shpëtojnë zgjedhjet e lira.

“Ja pse në këtë moment kur vota është kërcënuar e fyer në Korçë të gjithë duhet të jemi opozitarë, e duhet të jemi luftëtarë e shpëtimtarë të saj, sot nesër dhe përgjithmonë pa kursyer asgjë, pa u sprapsur asnjë çast se zgjedhjet e lira e të ndershme janë vetë jeta e lirë që kemi fituar se nuk kemi betejë më të madhe për të përmbushur se kjo”, deklaro Basha .

Ndryshe, kjo protestë u shfrytëzua edhe kundër shkatërrimit të armeve kimike në Shqipëri.

“Kjo qeveri nuk ndjen asnjë lloj detyrimi të japi llogari edhe për shkatërrimin e armëve nga Siria. Bëjnë lojën e strucit me shqiptarët dhe partnerët ndërkombëtarë”, deklaroi Basha.