Shqipëri: Tensione jashtë dhe në seancë, Sali Berisha bllokon foltoren

sc

Si jashtë, ashtu edhe brenda Kuvendit të Shqipërisë vijojnë tensionet. Kryetari i Partisë Demokratike, Sali Berisha, ka bllokuar foltoren e Kuvendit, ndërsa më pas është rrethuar nga garda.

Ky veprim i Berishës ka ardhur pasi kryetarja e Kuvendit, Lindita Nikolla, i ka ndërprerë fjalën Flamur Nokës dhe Oerd Bylykbashit, duke i cilësuar deklaratat e tyre si shkelje të etikës dhe fyerje të deputeteve gra në Kuvend.

Menjeherë sapo u është ndërprerë fjala, të gjithë deputetët e opozitës janë afruar te foltorja duke e bllokuar atë. Pas këtij vepimi, Lindita Nikolla ka ndërprerë seancën, duke kërkuar 5 minuta pushim.

Situata para Kuvendit të Shqipërisë, ku po zhvillohet protesta e opozitës po del jashtë kontrollit. Protestuesit kanë tentuar të çajnë kordonin e policisë, ndërsa janë hedhur edhe flakadanë në drejtim të efektivëve.

Pas hedhjes së tymuesve, protestuesit kanë tentuar të hyjnë brenda ambienteve ku po mbahet seanca plenare. Pas shtyrjes trup më trup mes turmës së protestuesve dhe efektivëve të Forcave të Ndërhyrjes së Shpejtës, situata nuk ka eskaluar më tej në përplasje fizike.