Shqipëri: Ulet numri i të infektuarve, 2 viktima nga Covid

(KEYSTONE/Ti-Press/Alessandro Crinari)

Nga 2.278 testime në 24 orë kanë rezultuar 296 qytetarë të prekur nga COVID-19, ndërsa 2 persona kanë humbur jetën.

Fatmirësisht 402 qytetarë kanë fituar betejën me virusin duke e çuar numrin e të shëruarve në 196.700 që prej fillimit të pandemisë.

Aktualisht në gjithë vendin janë 5.366 raste aktive. 128 pacientë janë të shtruar në spitale, nga ku 12 janë në gjendje të rënduar.

Ministria e Shëndetësisë ka bërë thirrje për vaksinim qytetarëve në njoftimin e saj të përditshëm.

Çdo qytetar mbi 16 vjeç mund të marrë dy dozat e vaksinës anti-COVID, ndërsa çdo qytetar mbi 18 vjeç mund të marrë edhe dozën përforcuese, kur kanë kaluar 6 muaj nga doza e fundit.

Vaksinimi është i hapur edhe për fëmijët mbi 12 vjeç, të cilët kanë probleme shëndetësore dhe rekomandim nga mjeku.