Shqipëri: Vota e emigrantëve, 14 mijë shtetas deklarojnë adresën

Mbi 14 mijë shtetas shqiptarë që jetojnë jashtë vendit kanë deklaruar adresën e tyre jashtë vendit.

Drejtori i Përgjithshëm i Gjendjes Civile në Shqipëri, Vangjysh Stavro, gjatë seancës dëgjimore që u zhvillua në Komisionin e posaçëm për Reformën Zgjedhore bëri të ditur shifrat e deklarimit të adresës për shtetasit shqiptarë që jetojnë jashtë, e cila mundësohet prej dhjetorit 2020, përmes e-Albania.

“Kemi informacion dhe për adresën brenda vendit dhe për adresën jashtë vendit. Kemi 14127 deklarime adresash prej 2020-ës . Procesi është që shtetasi deklaron adresën dhe pastaj ka një kohë prej 3 ditësh zyra e Gjendjes Civile që duhet ta përpunojë“, tha Stavro.

Sipas kreut të DPGJC, nga këta 7081 janë meshkuj dhe 7046 femra.

“Në numrin e regjistrimeve kryeson Greqia dhe Italia, me afërsisht 4800 Greqia dhe 4300 Italia, pastaj Gjermani, por kemi edhe deklarimi nga Bjellorusia, Xhamajka, Zelanda e Re etj”, tha Stavri, transmeton atsh, përcjell albinfo.ch.

Zyrat e Gjendjes Civile përpunojnë të dhënat, i administrojnë dhe i përditësojnë dhe përveç këtyre, edhe elementët zgjedhorë që përcaktojnë qendrën e votimit që do të paraqiten shtetasit në zgjedhje.

Në zgjedhjet e fundit ka pasur 3 6 50 550 zgjedhës.