CH-Ballkani

Shqipëria barazon me Danimarkën

Golin e vetëm për Shqipërinë e ka shënuar Ermir Lenjani, futbollist që luan për FC St.Gallen në superligën e Zvicrës

E shtunë, 11 Tetor 2014 - 22:58 albinfo.ch

Ndonëse ishte nikoqire dhe avancoi e para, kombëtarja e Shqipërisë është dashur të kënaqet me barazim. Edhe pse kuqezinjtë ishin në epërsi për 80 minuta, nuk arritën që ta mbanin rezultatin deri në fund.

Shqipëria ka mbyllur pjesën e parë të ndeshjes kundër Danimarkës me rezultat 1 me 0.

Po zhvillohej minuta e 38 kur Ermir Lenjani realizoi golin e vetëm të Shqipërisë që i siguroi asaj epërsinë.
Lenjani ka shënuar një gol të bukur për të kaluar Shqipërinë në avantazh kundër Danimarkës

Xhaka vodhi topin në mesin e fushës dhe pasoi te Lenjani i cili me një goditje të devijuar mposhti danezët.