Shqipëria dhe Kosova, nesër zgjedhin Qeverinë e re

Si Shqipëria, ashtu edhe Kosova, më 9 shtator do të dekretojnë qeverinë

Dita e shtunë do të jetë shumë e rëndësishme për Shqipërinë dhe Kosovën. Për rastësi, dy vendet të shtunën, më 9 shtator do të dekretojnë qeverinë, raporton albinfo.ch.

Nesër në Shqipëria do të mbahet seanca e parë parlamentare, që pas zgjedhjeve të 25 qershorit. Presidenti i vendit, Ilir Meta do të dekretojë Qeverinë e Re “Rama 2”.

Por, ditë shumë e rëndësishme është edhe për Kosovën, ku gjithashtu nesër do të bëhet dekretimi i Qeverisë së re. Zgjedhjet e jashtëzakonshme ishin mbajtur më 8 qershor.

Kryetar i Parlamentit është rizgjedhur Kadri Veseli, derisa pritet që kryeministër të emërohet Ramush Haradinaj.