Shqipëria siguron 50 mijë doza vaksinash “Sputnik V”

Keystone (Alexander Zemlianichenko Jr/ Russian Direct Investment Fund via AP)

Shqipëria ka siguruar edhe 50 mijë doza vaksinash ruse “Sputnik V”.  Lajmi bëhet me dije nga kryeministri i vendit Edi Rama, i cili thotë se kjo sasi do të vijë në vendin tonë brenda dhjetë ditësh.

“Sapo kemi arritur marrëveshjen për të sjellë në Shqipëri 50.000 doza të tjera të vaksinës Sputnik brenda 10 ditëve” shkruan Rama.

Ai thotë se Shqipëria  me këtë ritëm vaksinimi do ta fitojë luftën me pandeminë.

“Ne do ta fitojmë këtë luftë me forcën e karakterit e të kembënguljes sonë dhe do ta lemë shpejt pas tunelin e pandemisë, ku drita e daljes sa vjen e zmadhohet”, shkruan Rama.

Në total janë të paktën mbi 2 milionë vaksina të rezervuara, prej së cilave, me dy injeksione, mundet të vaksinohen një milion persona, ose thënë ndryshe rreth 35% e popullsisë rezidente.