Shqipëria, vend transit i klandestinëve aziatikë

Policia e Shqipërisë ka arrestuar 45 imigrantë nga Siria, që po mundoheshin ilegalisht të klonon në Mal të Zi në afërsi të pikëkalimit Hani i Hotit, në Shkodër

Muajve të fundit, Shqipëria është shndërruar në një vend transit për shtatit aziatikë e afrikanë, që e kanë pikësynim Bashkimin Evropian. Vetëm dje, Policia e Shqipërisë ka arrestuar 45 imigrantë nga Siria, që po mundoheshin ilegalisht të klonon në Mal të Zi në afërsi të pikëkalimit Hani i Hotit, në Shkodër.

Operacioni është kryer nga Policia Kufitare e Shkodrës, e cila ka bërë të ditur se klandestinët ishin nga Siria dhe po tentonin të kalonin në Malin e Zi.

Po ashtu raportohet se në pikën tjetër, Kakavijë në kufirin grek, janë ndaluar 60 klandestinë nga Siria, Eritrea dhe Sudani. Klandestinët, kryesisht nga Siria e kanë përdorur shpesh Shqipërinë për tu hedhur drejt vendeve të BE-së, raporton TCH.

Ndryshe, pas konfliktit në Siri, shumë qytetarë nga ky vend kanë mësyrë Bashkimin Evropian, ndërsa për të kaluar në BE ata e kanë shfrytëzuar Shqipërinë, Serbinë e Maqedoninë. Madje, duke bërë rrugën këmbë, ata shpesh po e shfrytëzojnë hekurudhën e cila një javë më parë ishte fatale për 14 prej tyre, të cilët u shtypën nga treni i Linjës Veles-Shkup.