Shqiptarët e Shqipërisë, më shumë pro bashkimit se ata të Kosovës

Fondacioni i Kosovës për Shoqëri të Hapur – KFOS dhe fondacioni Shoqëria e Hapur për Shqipërinë – OSFA kanë publikuar një hulumtim për idenë e bashkimit Kosovë-Shqipëri.

Të anketuarit në Shqipëri kanë thënë se janë pro bashkimit 74.8 për qind, ndërkaq 17.7 për qind janë deklaruar kundër.

Kurse në Kosovë përqindja e të deklaruarve pro ka qenë më e vogël, apo 63.9 për qind me 16.7 për qind kundër.

Të gjeturat e prezantuara sot Klan Kosova i ka publikuar më 18 nëntor 2019.

Për këto të dhëna dhe të tjera që lidhen me idenë e shpeshpërfolur të bashkimit në mes të dy vendeve, ka folur kryetari i Lëvizjes për Bashkim, Valon Murati.