Shqiptarët e Tuzit votojnë të dielën për kryetar

Në komunën me shumicë shqiptare të Tuzit në Mal të Zi këtë të dielë mbahen zgjedhjet vendore, ku garojnë katër koalicione dhe tri parti politike.

Alternativa Shqiptare e kryetarit aktual të Tuzit, Nik Gjeloshaj, është bashkuar me Lidhjen Demokratike të Shqiptarëve, Unionin Kombëtar Shqiptar dhe Lidhjen Demokratike të Malit të Zi nën emrin “Forumi Shqiptar”. E në krahun tjetër është koalicioni nga Partia Demokratike Socialiste, e presidentit aktual Milo Gjukanoviq, Socialdemokratët, Partia Boshnjake dhe Unioni Demokratik i Shqiptarëve, shkruan Zëri i Amerikës, përcjell albinfo.ch.

Zgjedhjet e së dielës janë të dytat që nga ndarja e kësaj bashkësie lokale nga komuna e Podgoricës në vitin 2018.

Të dielën për këto zgjedhje do të hapen 30 vendvotime, ku të drejtë vote do të kenë mbi 12,000 votues.

 

---