Shqiptarët në Zvicër luftojnë për gara evropiane

Luzerni i Hekuran Kryeziut dhe Jahmir Hykës ngjitet në kuotën e 23 pikëve duke mbajtur vendin e katërt në klasifikim, një pozicion që siguron një vend në Ligën e Evropës në sezonin e ardhshëm

Skuadra e Luzernit arkëtoi tri pikë të mëdha, duke mundur Luganon 2:1 dhe që ia shtojnë gjasat të ngjiten sa më lartë në renditje të Superligës zvicerane, shkruan albinfo.ch.

Futbollistët shqiptarë, Hekuran Kryeziu dhe Jahmir Hyka, treguan lojë të mirë për Luzernin në fitoren e mundimshme, ndërsa Ezgjan Alioski luajti për Luganonn, por të pafat që të kthehen me pikë.

Përfaqësuesi i Kosovës, Kryeziu dhe ai i Shqipërisë, Hyka, iu gëzuan triumfit, për faktin se Luzerni përforcon edhe me tepër vendin e katërt me 23 pikë, kurse Lugano është në vend të tetë me 16 sosh.

Alioski, që është i dyti në listën e shënuesve me 9 gola, u zëvendësua në minutën e 94. Hyka u ndëshkua me karton të verdhë në minutën e 58-të.

Me këtë fitore, Luzerni ngjitet në kuotën e 23 pikëve duke mbajtur vendin e katërt në klasifikim, një pozicion që siguron një vend në Ligën e Evropës në sezonin e ardhshëm.