Shqiptarët nga Shqipëria mbushin veturat me naftë në Kosovë

Fluks i madh i veturave në kufi të Kosovës

Duke qenë se çmimi i naftës në Shqipëri, në këtë javë që po mbyllim kapi shifra rekord, shumë prej qytetarëve kuksianë furnizohen në Kosovë, përcjell albinfo.ch.

Ata thonë se kalojnë kufirin dhe mbushin makinat me naftë në Prizren apo Gjakovë, pasi çmimet atje janë më të lira.

Sipas qytetarëve, Kosova në të gjitha pikat e karburanteve mban çmime të njëjta, duke shmangur abuzimet mes kompanive të ndryshme.

Në momentin që flasim, çmimi për litër nafte në Kosovë është 1.5 euro, ose e thënë ndyshe, nën 200 lekë për litër, thonë qytetarët e Shqipërisë. /Albinfo.ch

 

---