Britani, Shqiptari i propozon të dashurës martesë, i digjet banesa nga qirinjtë

Një ngjarje e pazakont ka ndodhur në Britani, shqiptari I propozoi të dashurës martesë, por gjerat nuk shkuan aq mirë, sepse banesën e kaploi zjarri. Mediat britanike shkruajnë se Albert Ndreu, shqiptari që jeton në Sheffield të Britanisë së Madhe, ka kaluar dy javë duke planifikuar në detaje propozimin që deshi t’i bëjë të dashurës së tij, Valerija Madevic, përcjell albinfo.ch.

Sipas mediave thuhet se Ndreu vendosi që ta befasojë atë duke e mbushur dhomën me qirinj dhe 60 balonë, shkruan The Telegraph. Gjithçka po shkonte sipas planit deri në momentin kur banesa u përfshi nga flaka prej qirinjve, të cilët krijonin formën e fjalisë “Do te martohesh me mua?”

Me gjithë pengesat, Ndreu u ulë në gjunjë dhe i propozoi Valerija Madevicit për martesë, e cila iu përgjigj me PO.

“Nuk shkoi ashtu siç e kam menduar, por ajo tha po, dita mori një kthesë të papritur, por në fund përfundoi ashtu si dëshiroja të shkonte” ka deklaruar Ndreu.

Ai shtoi se kjo çfarë i ka ndodhur atij shpreson që të shërbejë si paralajmërim për ata të cilët kanë shumë dashuri ose shumë qirinj.

Tani çifti janë duke qëndruar tek të afërmit e tij. /Albinfo.ch.