Shqiptari në librin e Rekordeve Ginis

Një milionë kokrra kafeje për të formësuar një mozaik 25 metra katrorë

Një mozaik i krijuar me një milionë kokrra të kafesë nga artisti shqiptar Saimir Strati, ka hyrë në Librin Ginis të Rekordeve Botërore, si mozaiku më i madh në botë me kafe.

Strati ka përdorur 140 kg kokrra kafeje për të portretizuar një balerin brazilian, një baterist japonez, një këngëtar amerikan, një fizarmonicist evropian dhe një baterist afrikan.

Saimir Strati ka fituar për herë të gjashtë çmimin Guinness, duke krijuar kësaj here një rekord të ri.

Ceremonia e dorëzimit të certifikatës u zhvillua në Hotel ’’Rogner’’, aty ku Strati ka punuar 18 orë në ditë, përballë mozaikut me subjekt, ’’Një botë, një familje, një kafe”

Shqiptari i Rekordeve Guinness përherë ka preferuar që krijimet e tij t’i realizojë në sy të njerëzve, aty ku ata kalojnë çdo ditë.