Shtetasi nga Kosova ishte djegur i gjallë në Fushë-Krujë

Analiza e ADN-së dhe ekspertiza përfundimtare mjeko-ligjore kanë dalë me rezultatin se shtetasi nga Kosova, Xh. Osmani që u gjet i pajetë në makinën e tij në një arë në Fushë-Krujë është lidhur dhe më pas është djegur i gjallë, raportojnë mediat shqiptare.

Sipas raportit të ekspertëve, Xh. Osmani është lidhur, torturuar dhe më pas i është hedhur benzina gjatë kohës kur ai ka qenë i vetëdijshëm, përcjell albinfo.ch.

Shtetasi kosovar kishte hyrë me veturën e tij tip “Volkswagen Touran” me targa 02960SN në Shqipëri pesë ditë para se të gjendej i vdekur.

Më 5 maj vetura e tij u gjet e djegur me të brenda, 5 kilometra larg qytetit të Fushë-Krujës, 250 metra larg rrugës nacionale.